Символ веры. Молитвы и акафист рождеству христову

Тропарь, глас 4

Рождество Твое, Христе Боже наш, возсия мирови свет разума: в нем бо звездам служащий, звездою учахуся, Тебе кланятися Солнцу правды, и Тебе ведети с высоты Востока: Господи, слава Тебе.

Кондак, глас 3

Дева днесь Пресущественнаго раждает,и земля вертеп Неприступному приносит,Ангели с пастырьми славословят,волсви же со звездою путешествуют: нас бо ради родися отроча младо, Превечный Бог.

АКАФИСТ РОЖДЕСТВУ ХРИСТОВА

Кондак 1

Икос 1

Кондак 2

Видяще бесплотнии Ангели своего Владыку, от Чистыя Девы плоть приемша, ужасошася! И друг ко другу реша: преславое сие Таинство непостижимо нам является быти: обаче дивяшеся неизреченному того снисхождению, со страхом пояху: Аллилуиа.

Икос 2

Разумная вся тварь ужасаюшися и благодарящи поет Твоего Рождества Владыко таинство! Силы небесныя радуются поюще: слава в вышних Богу, и земля с человеки веселится, мы же непрестанно вопием:
Слава Тебе, в вышних славимому Богу. Слава Тебе, мир на земли сотворившему.
Слава Тебе, нас Тебе примирившему. Слава Тебе, на земли нам явившемуся.
Слава Тебе, от Девы неизреченно воплотившемуся. Слава Тебе, звезду возсиявый.
Слава Тебе, тою волхвы на поклонение Тебе признавши. Слава Тебе, дары от них милостивно приявшему.
Слава Тебе, всю тварь Тебе служити научившему. Слава Тебе, и нас Тебе пети вразумившему.
Слава Тебе, Себе нам соединившему. Слава Тебе, нас Собою спасшему.

Кондак 3

Сильный в крепости, Бог мира, и Отец щедрот, прииде на землю, спасти мир погибающий: Ныне в Вифлееме яко младенец раждается от Девы: Юже Матерь и Ходатаицу спасения показа, всем Того воплощение славящим и поющим: Аллилуиа.

Икос 3

Имуще, Тебе пречисто рождшую, о нас непрестанно молящуюся: радующеся поем Твоего вочеловечения Владыко Таинство! И Рождество от Девы Богоприятныя славословяще вопием:
Слава Тебе, Сыне Божий, Слава Тебе, Сыне Девы, от Девы несказанно родивыйся.
Слава Тебе, человеколюбия бездну на нас показавшему. Слава Тебе, нас неизреченно возлюбившему.
Слава Тебе, заблудшее овча взыскавшему. Слава Тебе, о обретении тоя, срадоватися Ангелом рекшему.
Слава Тебе, на рамо сию восприемшему. Слава Тебе, ко Отцу приведшему.
Слава Тебе, человеки со Ангелы во едино стадо совокупившему. Слава Тебе, мир от прелести избавльшему.
Слава Тебе, великую и неизреченную милость нам явившему. Слава Тебе, нас паче всех тварей возлюбившему.
Иисусе, Сыне Божий, воплотивыйся нас ради, слава Тебе.

Кондак 4

Бурю внутрь помышлений сумнительных прежде имевый целомудренный Иосиф ныне внутрь Божественнаго вертепа видит преславныя. Аще бо и яко человека видяше от Девы рождаемаго, но разумеваше от вещей Бога быти истиннаго: тем и боголепне поклонився, радостно пояше: Аллилуиа.

Икос 4

Слышаша пастырие Ангела, возвещающа им рождшагося Спаса миру, во граде Давидове: и скоро текше, видят Сего яко агнца непорочна, во чреве Девыя упасшася во яслех лежаща, и Рождшую благоговейно служащу и Иосифа со страхом предстояща; сказаша о глаголанных к ним, и поклонившеся Рождшемуся, реша:
Слава Тебе, Агнче Божий Спасе мира. Слава Тебе, Сыне Божий, неизреченое чудо нам показавый.
Слава Тебе, ангельских пении слышатели нас быти явивый. Слава Тебе, с ними и нас славословити Тя научивый.
Слава Тебе, Ангелы и человеки пети Тя вразумивый. Слава Тебе, на земли и на небеси радость сотворивый.
Слава Тебе, яко о Тебе небесная земным срадуются. Слава Тебе, яко Тобою земная небесным совокупляются.
Слава Тебе, крепость диаволю немощну показавшему. Слава Тебе, от того мучительства нас избавльшему.
Слава Тебе, в Тя верующим неизреченная радосте. Слава Тебе, любящим Тя неизглаголанная сладосте.
Иисусе, Сыне Божий, воплотивыйся нас ради, слава Тебе.

Кондак 5

Боготечную звезду, Христово Рождество предъявляющую, узревше звездоблюсте ли волсви; и тоя вождением, Непостижимаго достигоша и Невидимого видеша: возрадовашася Тому вопиюще: Аллилуиа.

Икос 5

Видяще царие перситстии, на руку Девичу, Царя царствующих, яко на престоле херувимстем седяща, и Владыку того разумевающе, аще рабий прият зрак, потщашася дары Ему принести: злато, яко Царю всех; ливан же яко Богу; смирну, яко Безсмертному, и поклонившеся пояху:
Слава Тебе, Свет всем возсиявый. Слава Тебе, нас звездою на поклонение Тебе призвавый.
Слава Тебе, злобу лютого Ирода обличившему. Слава Тебе, суетно того умышление показавшему.
Слава Тебе, нас от того прелести избавльшему. Слава Тебе, Тебе, Солнцу правды, покланятися научившему.
Слава Тебе, вся светом разума просветившему. Слава Тебе, Твоим Рождеством многобожия прелесть упразднившему.
Слава Тебе, вражие владычество до конца низложившему. Слава Тебе, со Отцем и Духом Тебе поклонятися нас научившему. Слава Тебе, нас прельстившаго змия главу сокрушившему. Слава Тебе, от вечныя смерти нас избавльшему.
Иисусе, Сыне Божий, воплотивыйся нас ради, слава тебе.

Кондак 6

Проповедник богоносных вещания яже от Тебе исполняя, на земли явил еси Себе, Спасе, во убозем ныне вертепе рождся от Чистыя Девы: и богат сый, нас ради обнищал еси волею, да человеки обогатиши, верою Тебе поющия: Аллилуиа.

Икос 6

Воссиял еси от Девы, и неискусомужныя Твоея Матере, Иисусе, яко солнце просвещая и прогоняя лжи тьму: демони бо, Спасе, нетерпяще Твоея крепости, вси вострепеташа, и ад, видев чудо, убояся: мы же благодаряще вопием Ти:
Слава Тебе, человек Спасителю. Слава Тебе, бесов Потребителю.
Слава Тебе, прелести начальника Твоим Рождеством устрашившему. Слава Тебе, идольскую прелесть упразднившему.
Слава Тебе, светом Богопознания вся осиявшему. Слава Тебе, тьму неведения прогнавшему.
Слава Тебе, Каменю, воду спасения всем источивый. Слава Тебе, жажду Адамову и Давидову утоливый.
Слава Тебе, яко солнцем, Твоим Рождеством вся просветившему. Слава Тебе, лучи благодати вселенней облиставшему.
Слава Тебе, землю обетования нам показавшему. Слава Тебе, от всеродныя клятвы нас Избавльшему.
Иисусе, Сыне Божий, воплотивыйся нас ради, слава тебе.

Кондак 7

Хотя от века сокровенную тайну нам явити, от всея твари служители таинству показал еси, Спасе. От Ангел Гавриила, от человек Деву, от небес звезду, от земли вертеп, в немже родитися благоволил еси: темже дивящеся твоей неизреченной премудрости, зовем: Аллилуиа.

Икос 7

Новую показал еси тварь, явлься плотию всех Зиждитель, из безсеменныя прозяб утробы, и сохранив ю, яко же бе нетленну, и Ходатаицу спасения показал еси поющим:
Слава Тебе, Сыне Божий, Тя рождшую Матерь милосердия показавый. Слава Тебе, Тую и по Рождестве Деву сохранивый.
Слава Тебе, спасти Адама пришедшему. Слава Тебе, Евины слезы утолившему. С
лава Тебе, вся спасти пришедый. Слава тебе, Воскресения образ облиставый.
Слава Тебе, грехов наших рукописание раздравый. Слава тебе, Собою смирения образ нам показавый.
Слава Тебе, нас ради обнищавшему. Слава Тебе, Твоею нищетою нас обогатившему.
Слава Тебе, одеждою спасения нас одеявшему. Слава Тебе, Твоею любовию нас усладившему.
Иисусе, Сыне Божий, воплотивыйся нас ради, слава Тебе.

Кондак 8

Странное и преславное Рождество Твое видевше, в вертепе совершаемое, устранимся сует паче мира, ум на Божественная земли явися смиренный человек, да на Небеса возведет, Тому вопиющия: Аллилуиа.

Икос 8

Весь еси желание, весь сладость любящим Тя, Христе Боже, и Твое Божественное снисхождение славящим: от Девы бо Чистыя рождшся на земли, нас на Небеса возводиши, поющих:
Слава Тебе, Сыне Божий, на земли родивыйся. Слава Тебе, от Девы неизреченно воплотивыйся.
Слава Тебе, Себе нам показавшу. Слава Тебе, нас от Тебе далече сущих призвавшу.
Слава Тебе, нам неизреченная радосте. Слава Тебе, сердец наших сладосте.
Слава Тебе, в Рождестве Твоем свет спасения возсиявый. Слава Тебе, слезы в наше спасение пролиявый.
Слава Тебе, теми пламень страстей наших угасивый. Слава Тебе, нас от скверны греховныя омывый.
Слава Тебе, преступление разрушившему. Слава Тебе, от тления нас избавльшему.
Иисусе, Сыне Божий, воплотивыйся нас ради, слава Тебе.

Кондак 9

Всякое разумение и всяк ум ангельский и человеческий не постигает Твоего непостижного Рождества, Владыко, Таинства разумети; обаче, Владыко Благий, нашу любовь и веру приими; и спаси нас, Тебе поющих: Аллилуиа.

Икос 9

Вития многовещанныя, яко рыбы безгласныя, видим о Твоем воплощении Владыко, недоумеют бо глаголати, како Бог сый совершен, человек совершенный явися, и от Девы неискусобрачныя како родися; мы же Тайны неиспытующе, верою единою славим, вопиюще:
Слава Тебе, Ипостасная Божия Премудросте. Слава Тебе, неизглаголанная всем Радосте.
Слава Тебе, любомудры немудрыя явивый. Слава Тебе, о Тебе испытующих посрамивый.
Слава Тебе, вся баснотворная плетения растерзавый. Слава Тебе, свет Боговедения всем возсиявый.
Слава Тебе, мудрость во Твоих делех пролиявый. Слава Тебе, многим разумы просветившему.
Слава Тебе, путь спасения нам показавшему. Слава Тебе, неизчетная бездна милосердия.
Слава Тебе, пучино щедрот и человеколюбия.
Иисусе, Сыне Божий, воплотивыйся нас ради, слава Тебе.

Кондак 10

Спасти восхотев мир погибающий, иже всех украситель, от Девы, яко младенец раждается и во яслех пеленами повивается, разрешаяй многоплетенныя пленицы прегрешений: И Сын сый Божий, Девыя Сын бывает! И вся мудре устрояет да спасет Тому поющия: Аллилуиа.

Икос 10

Стена и столп злобы богопротивныя и род пребеззаконный показася, жизнь всем подающаго убити богоборец тщашеся, и незлобивыя младенцы, яко класы незрелы мечи пожинахуся: тем же и мы злобу всякую от сердец наших отринувше, нас спасти пришедшаго прославим вопиюще:
Слава Тебе, иродово умышление тщетно показавый. Слава Тебе, от того избиеныя младенцы со ангелы сопричтавый.
Слава Тебе, злобы потребителю. Слава Тебе, смирения Наставниче и смертных Любителю.
Слава Тебе, рог гордости сломившу. Слава Тебе, свет правды всем воссиявшу.
Слава Тебе, кротости и смирению всех собою научившу. Слава Тебе, вся в Твое познание приведшу.
Слава Тебе, Тя родшия утробу, Твоим Рождеством освятивый. Слава Тебе, от пастырей чудо и от волхвов дары приявый.
Слава Тебе, и безсловесныя Тебе сдужити научивый. Слава Тебе, всю тварь освятивый.
Иисусе, Сыне Божий, воплотивыйся нас ради, слава Тебе.

Кондак 11

Пение всякое побеждается, Твоему еже нас ради воплощению, достойно принести хотящих: и удобие есть молчание. Аще и равночисленныя песка морскаго песни приносим Ти, Царю Пресвятый, но ничтоже совершаем достойно: тем же со страхом поем: Аллилуиа.

Икос 11

Свет Тя незаходимый, сущии во тьме и сени смертней селящии, Спасе наш, узревши от Девы воссиявша: просветишася огнем Твоего Божества; и Тебе Премудрости и смысла Подателю пояху, сицевая вопиюще:
Слава Тебе, Сыне Божий, Свете неизреченный. Слава Тебе, Солнце правды, Твоим Рождеством вся просветивый.
Слава Тебе, многосветлое просвещение возсиявшему. Слава Тебе, многотекущую благодати реку нам источившему.
Слава Тебе, жаждущих водою спасения богатно напоившему. Слава Тебе, любящим Тя иго благо и бремя Твое легко показавшему.
Слава Тебе, от бремене греховнаго нас облегчившему. Слава Тебе, нас от работы вражия избавльшему.
Слава Тебе, Твоим на земли явлением вся возвеселивый. Слава Тебе, нас утешатися пакибытием сотворивый.
Слава Тебе, нам желаний наших край Себе явивый. Слава Тебе, нас врагов сущих ко Отцу примиривый.
Иисусе, Сыне Божий, воплотивыйся нас ради, слава Тебе.

Кондак 12

Благодать всем подати и долги человеков разрешити пришедый, Спасе наш, Твоим Воплощением: тем и наша долги разреши и грехов рукописание раздери: Твое несказанное Рождество славящим и непрестанно поющим: Аллилуиа.

Икос 12

Поюще Твое вочеловечение, хвалим, благословим и покланяемся Тебе, Спасе наш; и веруем, яко Господь и Бог еси, спасаяй всех на Тя уповающих и Твое еже от Девы неизреченное Рождество славословящих и поющих таковая:
Слава Тебе, Сыне Божий, в вышних со Отцем и Духом покланяемый. Слава Тебе, от всех колен небесных и земных славимый.
Слава Тебе, сокровенное от века таинство открывый. Слава Тебе, Твою к нам неизреченную любовь явивый.
Слава Тебе, всея твари Украсителю. Слава Тебе, нам всемилостивый Спасителю.
Слава Тебе, благочестно царствующих на земли скипетры утверждаяй. Слава Тебе, святители благоговейныя и иереи премудростию и благолепием украшаяй.
Слава Тебе, Церкве основание и утверждение. Слава Тебе, всем верным спасение и украшение.
Слава Тебе, телес наших Врачу и Исцеление. Слава Тебе, душ наших Украсителю и Спасителю.
Иисусе, Сыне Божий, воплотивыйся нас ради, слава Тебе.

Кондак 13

О, Пресладкий и Всещедрый Иисусе, Спасителю наш, Творче и Владыко! Приими ныне малое сие молебное благодарение и славословие наше, якожс приял еси от волхвов поклонение и дары; и сохрани нас, Твоих рабов, от всякия напасти: и грехов прощение даруй; и вечныя муки избави верно славящих Твое, от чистыя Девы, Рождество и вопиющих Ти: Аллилуиа.

(Этот кондак читается трижды, затем икос 1 и кондак 1)

Икос 1

Ангел множество собрася во Вифлееме, видети непостижное Рождество; и видевше своего Творца, во яслех яко младенца лежаша, удивишася! И страхом благоговеюще, Рождшагося и Рождшую боголепне почитаху, поюще таковая:
Слава Тебе, Сыне Божий, прежде век от Отца рожденный. Слава Тебе, со Отцем и Духом вся сотворивый.
Слава Тебе, спасти погибшия пришедый. Слава Тебе, даже до рабия зрака снизшедый.
Слава Тебе, Взыскателю заблудших. Слава Тебе, Спасителю погибших.
Слава Тебе, средостение вражды разрушившу. Слава Тебе, рай, преслушанием затворенный, паки отверзшу.
Слава Тебе, род человеческий неизреченно возлюбившу. Слава Тебе, на земли вертеп Небо явившу.
Слава Тебе, рождшую Тя Деву, Престол херувимский показавшу.
Иисусе, Сыне Божий, воплотивыйся нас ради, слава Тебе.

Кондак 1

Избравый от всех родов пречистейшую Ангел Деву, и от нея родивыйся плотию Христе Боже наш; благодарственная приносим ти раби Твои Владыко. Ты же яко имеяй милосердие неизреченное, от всяких нас бед свободи, зовущих: Иисусе, Сыне Божий, воплотивыйся нас ради, слава Тебе.

Транскрипт

1 Акафист Рождеству Христову Кондак 1 Избравый от всех родов пречистейшую Ангел Деву, и от нея родивыйся плотию Христе Боже наш; благодарственная приносим ти раби Твои Владыко. Ты же яко имеяй милосердие неизреченное, от всяких нас бед свободи, зовущих: Иисусе, Икос 1 Ангел множество собрася во Вифлееме, видети непостижное Рождество; и видевше своего Творца, во яслех яко младенца лежаша, удивишася! И страхом благоговеюще, Рождшагося и Рождшую боголепне почитаху, поюще таковая: Слава Тебе, Сыне Божий, прежде век от Отца рожденный. Слава Тебе, со Отцем и Духом вся сотворивый. Слава Тебе, спасти погибшия пришедый. Слава Тебе, даже до рабия зрака снизшедый. Слава Тебе, Взыскателю заблудших. Слава Тебе, Спасителю погибших. Слава Тебе, средостение вражды разрушившу. Слава Тебе, рай, преслушанием затворенный, паки от-верзшу. Слава Тебе, род человеческий неизреченно возлюбившу. Слава Тебе, на земли вертеп Небо явившу. Слава Тебе, рождшую Тя Деву, Престол херувимский показавшу. Иисусе, Сыне Божий, воплотивыйся Кондак 2 Видяще бесплотнии Ангели своего Владыку, от Чистыя Девы плоть приемша, ужасошася! И друг ко другу реша: преславое сие Таинство непостижимо нам является быти: обаче дивяшеся неизреченному того снисхождению, со страхом пояху: Аллилуиа. Икос 2 Разумная вся тварь ужасаюшися и благодарящи поет Твоего Рождества Владыко таинство! Силы небесныя радуются поюще: слава в вышних Богу, и земля с человеки веселится, мы же непрестанно вопием: Слава Тебе, в вышних славимому Богу. Слава Тебе, мир на земли сотворившему. Слава Тебе, нас Тебе примирившему. Слава Тебе, на земли нам явившемуся. Слава Тебе, от Девы неизреченно воплотившемуся. Слава Тебе, звезду возсиявый. Слава Тебе, тою волхвы на поклонение Тебе признавши. Слава Тебе, дары от них милостивно приявшему. Слава Тебе, всю тварь Тебе служити научившему. Слава Тебе, и нас Тебе пети вразумившему. Слава Тебе, Себе нам соединившему. Слава Тебе, нас Собою спасшему. Иисусе, 1

2 Кондак 3 Сильный в крепости, Бог мира, и Отец щедрот, прииде на землю, спасти мир погибающий: Ныне в Вифлееме яко младенец раждается от Девы: Юже Матерь и Ходатаицу спасения показа, всем Того воплощение славящим и поющим: Аллилуиа. Икос 3 Имуще, Тебе пречисто рождшую, о нас непрестанно молящуюся: радующеся поем Твоего вочеловечения Владыко Таинство! И Рождество от Девы Богоприятныя славословяще вопием: Слава Тебе, Сыне Божий, Слава Тебе, Сыне Девы, от Девы несказанно родивыйся. Слава Тебе, человеколюбия бездну на нас показавшему. Слава Тебе, нас неизреченно возлюбившему. Слава Тебе, заблудшее овча взыскавшему. Слава Тебе, о обретении тоя, срадоватися Ангелом рекшему. Слава Тебе, на рамо сию восприемшему. Слава Тебе, ко Отцу приведшему. Слава Тебе, человеки со Ангелы во едино стадо совокупившему. Слава Тебе, мир от прелести избавльшему. Слава Тебе, великую и неизреченную милость нам явившему. Слава Тебе, нас паче всех тварей возлюбившему. Иисусе, Сыне Божий, воплотивыйся Кондак 4 Бурю внутрь помышлений сумнительных прежде имевый целомудренный Иосиф ныне внутрь Божественнаго вертепа видит преславныя. Аще бо и яко человека видяше от Девы рождаемаго, но разумеваше от вещей Бога быти истиннаго: тем и боголепне поклонився, радостно пояше: Аллилуиа. Икос 4 Слышаша пастырие Ангела, возвещающа им рождшагося Спаса миру, во граде Давидове: и скоро текше, видят Сего яко агнца непорочна, во чреве Девыя упасшася во яслех лежаща, и Рождшую благоговейно служащу и Иосифа со страхом предстояща; сказаша о глаголанных к ним, и поклонившеся Рождшемуся, реша: Слава Тебе, Агнче Божий Спасе мира. Слава Тебе, Сыне Божий, неизреченое чудо нам показавый. Слава Тебе, ангельских пении слышатели нас быти явивый. Слава Тебе, с ними и нас славословити Тя научивый. Слава Тебе, Ангелы и человеки пети Тя вразумивый. Слава Тебе, на земли и на небеси радость сотворивый. Слава Тебе, яко о Тебе небесная земным срадуются. Слава Тебе, яко Тобою земная небесным совокупляются. Слава Тебе, крепость диаволю немощну показавшему. Слава Тебе, от того мучительства нас избавльшему. Слава Тебе, в Тя верующим неизреченная радосте. Слава Тебе, любящим Тя неизглаголанная сладосте. Иисусе, 2

3 Кондак 5 Боготечную звезду, Христово Рождество предъявляющую, узревше звездоблюсте ли волсви; и тоя вождением, Непостижимаго достигоша и Невидимого видеша: возрадовашася Тому вопиюще: Аллилуиа. Икос 5 Видяще царие перситстии, на руку Девичу, Царя царствующих, яко на престоле херувимстем седяща, и Владыку того разумевающе, аще рабий прият зрак, потщашася дары Ему принести: злато, яко Царю всех; ливан же яко Богу; смирну, яко Безсмертному, и поклонившеся пояху: Слава Тебе, Свет всем возсиявый. Слава Тебе, нас звездою на поклонение Тебе призвавый. Слава Тебе, злобу лютого Ирода обличившему. Слава Тебе, суетно того умышление показавшему. Слава Тебе, нас от того прелести избавльшему. Слава Тебе, Тебе, Солнцу правды, покланятися научившему. Слава Тебе, вся светом разума просветившему. Слава Тебе, Твоим Рождеством многобожия прелесть упразднившему. Слава Тебе, вражие владычество до конца низложившему. Слава Тебе, со Отцем и Духом Тебе поклонятися нас научившему. Слава Тебе, нас прельстившаго змия главу сокрушившему. Слава Тебе, от вечныя смерти нас избавльшему. Иисусе, Сыне Божий, воплотивыйся нас ради, слава тебе. Кондак 6 Проповедник богоносных вещания яже от Тебе исполняя, на земли явил еси Себе, Спасе, во убозем ныне вертепе рождся от Чистыя Девы: и богат сый, нас ради обнищал еси волею, да человеки обогатиши, верою Тебе поющия: Аллилуиа. Икос 6 Воссиял еси от Девы, и неискусомужныя Твоея Матере, Иисусе, яко солнце просвещая и прогоняя лжи тьму: демони бо, Спасе, нетерпяще Твоея крепости, вси вострепеташа, и ад, видев чудо, убояся: мы же благодаряще вопием Ти: Слава Тебе, человек Спасителю. Слава Тебе, бесов Потребителю. Слава Тебе, прелести начальника Твоим Рождеством устрашившему. Слава Тебе, идольскую прелесть упразднившему. Слава Тебе, светом Богопознания вся осиявшему. Слава Тебе, тьму неведения прогнавшему. Слава Тебе, Каменю, воду спасения всем источивый. Слава Тебе, жажду Адамову и Давидову утоливый. Слава Тебе, яко солнцем, Твоим Рождеством вся просветившему. Слава Тебе, лучи благодати вселенней облиставшему. Слава Тебе, землю обетования нам показавшему. Слава Тебе, от всеродныя клятвы нас Избавльшему. Иисусе, Сыне Божий, воплотивыйся нас ради, слава тебе. 3

4 Кондак 7 Хотя от века сокровенную тайну нам явити, от всея твари служители таинству показал еси, Спасе. От Ангел Гавриила, от человек Деву, от небес звезду, от земли вертеп, в немже родитися благоволил еси: темже дивящеся твоей неизреченной премудрости, зовем: Аллилуиа. Икос 7 Новую показал еси тварь, явлься плотию всех Зиждитель, из безсеменныя прозяб утробы, и сохранив ю, яко же бе нетленну, и Ходатаицу спасения показал еси поющим: Слава Тебе, Сыне Божий, Тя рождшую Матерь милосердия показавый. Слава Тебе, Тую и по Рождестве Деву сохранивый. Слава Тебе, спасти Адама пришедшему. Слава Тебе, Евины слезы утолившему. Слава Тебе, вся спасти пришедый. Слава тебе, Воскресения образ облиставый. Слава Тебе, грехов наших рукописание раздравый. Слава тебе, Собою смирения образ нам показавый. Слава Тебе, нас ради обнищавшему. Слава Тебе, Твоею нищетою нас обогатившему. Слава Тебе, одеждою спасения нас одеявшему. Слава Тебе, Твоею любовию нас усладившему. Иисусе, Кондак 8 Странное и преславное Рождество Твое видевше, в вертепе совершаемое, устранимся сует паче мира, ум на Божественная земли явися смиренный человек, да на Небеса возведет, Тому вопиющия: Аллилуиа. Икос 8 Весь еси желание, весь сладость любящим Тя, Христе Боже, и Твое Божественное снисхождение славящим: от Девы бо Чистыя рождшся на земли, нас на Небеса возводиши, поющих: Слава Тебе, Сыне Божий, на земли родивыйся. Слава Тебе, от Девы неизреченно воплотивыйся. Слава Тебе, Себе нам показавшу. Слава Тебе, нас от Тебе далече сущих призвавшу. Слава Тебе, нам неизреченная радосте. Слава Тебе, сердец наших сладосте. Слава Тебе, в Рождестве Твоем свет спасения возсиявый. Слава Тебе, слезы в наше спасение пролиявый. Слава Тебе, теми пламень страстей наших угасивый. Слава Тебе, нас от скверны греховныя омывый. Слава Тебе, преступление разрушившему. Слава Тебе, от тления нас избавльшему. Иисусе, Кондак 9 Всякое разумение и всяк ум ангельский и человеческий не постигает Твоего непостижного Рождества, Владыко, Таинства разумети; обаче, Владыко Благий, нашу любовь и веру приими; и спаси нас, Тебе поющих: Аллилуиа. 4

5 Икос 9 Вития многовещанныя, яко рыбы безгласныя, видим о Твоем воплощении Владыко, недоумеют бо глаголати, како Бог сый совершен, человек совершенный явися, и от Девы неискусобрачныя како родися; мы же Тайны неиспытующе, верою единою славим, вопиюще: Слава Тебе, Ипостасная Божия Премудросте. Слава Тебе, неизглаголанная всем Радосте. Слава Тебе, любомудры немудрыя явивый. Слава Тебе, о Тебе испытующих посрамивый. Слава Тебе, вся баснотворная плетения растерзавый. Слава Тебе, свет Боговедения всем возсиявый. Слава Тебе, мудрость во Твоих делех пролиявый. Слава Тебе, многим разумы просветившему. Слава Тебе, путь спасения нам показавшему. Слава Тебе, неизчетная бездна милосердия. Слава Тебе, пучино щедрот и человеколюбия. Иисусе, Сыне Божий, воплотивыйся Кондак 10 Спасти восхотев мир погибающий, иже всех украситель, от Девы, яко младенец раждается и во яслех пеленами повивается, разрешаяй многоплетенныя пленицы прегрешений: И Сын сый Божий, Девыя Сын бывает! И вся мудре устрояет да спасет Тому поющия: Аллилуиа. Икос 10 Стена и столп злобы богопротивныя и род пребеззаконный показася, жизнь всем подающаго убити богоборец тщашеся, и незлобивыя младенцы, яко класы незрелы мечи пожинахуся: тем же и мы злобу всякую от сердец наших отринувше, нас спасти пришедшаго прославим вопиюще: Слава Тебе, иродово умышление тщетно показавый. Слава Тебе, от того избиеныя младенцы со ангелы сопричтавый. Слава Тебе, злобы потребителю. Слава Тебе, смирения Наставниче и смертных Любителю. Слава Тебе, рог гордости сломившу. Слава Тебе, свет правды всем воссиявшу. Слава Тебе, кротости и смирению всех собою научившу. Слава Тебе, вся в Твое познание приведшу. Слава Тебе, Тя родшия утробу, Твоим Рождеством освятивый. Слава Тебе, от пастырей чудо и от волхвов дары приявый. Слава Тебе, и безсловесныя Тебе сдужити научивый. Слава Тебе, всю тварь освятивый. Иисусе, Кондак 11 Пение всякое побеждается, Твоему еже нас ради воплощению, достойно принести хотящих: и удобие есть молчание. Аще и равночисленныя песка морскаго песни приносим Ти, Царю Пресвятый, но ничтоже совершаем достойно: тем же со страхом поем: Аллилуиа. 5

6 Икос 11 Свет Тя незаходимый, сущии во тьме и сени смертней селящии, Спасе наш, узревши от Девы воссиявша: просветишася огнем Твоего Божества; и Тебе Премудрости и смысла Подателю пояху, сицевая вопиюще: Слава Тебе, Сыне Божий, Свете неизреченный. Слава Тебе, Солнце правды, Твоим Рождеством вся просветивый. Слава Тебе, многосветлое просвещение возсиявшему. Слава Тебе, многотекущую благодати реку нам источившему. Слава Тебе, жаждущих водою спасения богатно напоившему. Слава Тебе, любящим Тя иго благо и бремя Твое легко показавшему. Слава Тебе, от бремене греховнаго нас облегчившему. Слава Тебе, нас от работы вражия избавльшему. Слава Тебе, Твоим на земли явлением вся возвеселивый. Слава Тебе, нас утешатися пакибытием сотворивый. Слава Тебе, нам желаний наших край Себе явивый. Слава Тебе, нас врагов сущих ко Отцу примиривый. Иисусе, Кондак 12 Благодать всем подати и долги человеков разрешити пришедый, Спасе наш, Твоим Воплощением: тем и наша долги разреши и грехов рукописание раздери: Твое несказанное Рождество славящим и непрестанно поющим: Аллилуиа. Икос 12 Поюще Твое вочеловечение, хвалим, благословим и покланяемся Тебе, Спасе наш; и веруем, яко Господь и Бог еси, спасаяй всех на Тя уповающих и Твое еже от Девы неизреченное Рождество славословящих и поющих таковая: Слава Тебе, Сыне Божий, в вышних со Отцем и Духом покланяемый. Слава Тебе, от всех колен небесных и земных славимый. Слава Тебе, сокровенное от века таинство открывый. Слава Тебе, Твою к нам неизреченную любовь явивый. Слава Тебе, всея твари Украсителю. Слава Тебе, нам всемилостивый Спасителю. Слава Тебе, благочестно царствующих на земли скипетры утверждаяй. Слава Тебе, святители благоговейныя и иереи премудростию и благолепием украшаяй. Слава Тебе, Церкве основание и утверждение. Слава Тебе, всем верным спасение и украшение. Слава Тебе, телес наших Врачу и Исцеление. Слава Тебе, душ наших Украсителю и Спасителю. Иисусе, Кондак 13 О, Пресладкий и Всещедрый Иисусе, Спасителю наш, Творче и Владыко! Приими ныне малое сие молебное благодарение и славословие наше, якожс приял еси от волхвов поклонение и дары; и сохрани нас, Твоих рабов, от всякия напасти: и грехов прощение даруй; и вечныя муки избави верно славящих Твое, от чистыя Девы, Рождество и вопиющих Ти: Аллилуиа. (Этот кондак читается трижды) 6

7 Икос 1 Ангел множество собрася во Вифлееме, видети непостижное Рождество; и видевше своего Творца, во яслех яко младенца лежаша, удивишася! И страхом благоговеюще, Рождшагося и Рождшую боголепне почитаху, поюще таковая: Слава Тебе, Сыне Божий, прежде век от Отца рожденный. Слава Тебе, со Отцем и Духом вся сотворивый. Слава Тебе, спасти погибшия пришедый. Слава Тебе, даже до рабия зрака снизшедый. Слава Тебе, Взыскателю заблудших. Слава Тебе, Спасителю погибших. Слава Тебе, средостение вражды разрушившу. Слава Тебе, рай, преслушанием затворенный, паки от-верзшу. Слава Тебе, род человеческий неизреченно возлюбившу. Слава Тебе, на земли вертеп Небо явившу. Слава Тебе, рождшую Тя Деву, Престол херувимский показавшу. Иисусе, Сыне Божий, воплотивыйся Кондак 1 Избравый от всех родов пречистейшую Ангел Деву, и от нея родивыйся плотию Христе Боже наш; благодарственная приносим ти раби Твои Владыко. Ты же яко имеяй милосердие неизреченное, от всяких нас бед свободи, зовущих: Иисусе, 7

Ирмосы: Христос раждается: Катавасия: Христос раждается: Д КОНДАК, ГЛАС 3: е=ва днесь Пресущественнаго ражда=ет,/ и земля вертеп Неприступному прино=сит./ Ангели с пастырьми славосло=вят,/ волсви же со

БОГОРОДИЧНОЕ ПРАВИЛО Издательство Московской Патриархии Русской Православной Церкви 2015 УДК 243 ББК 86-372 Б74 Б74 Рекомендовано к публикации Издательским Советом Русской Православной Церкви ИС Р15-421-1834

Свящ: И сподоби нас Владыка, со дерзновением, неосужденно осмелиться призывать Тебя, Небесного Бога Отца, и говорить. Благодарственная малая ектенья (В конце Литургии). Диак: Станем с благоговением, и

Конспект проповеди Евангелие Рождества I 1. Что такое Рождество? Гал 4:4 Но когда пришла полнота времени, Бог послал Сына Своего Единородного. Который родился от жены, и подчинился закону. У Бога все точки

Москва 2018 Накануне рождения Иисуса Христа в небе появилась Звезда. Удивительная, яркая. Ее сияние возвещало о великом чуде и больших переменах. Очарованные сиянием, люди мечтали о лучших временах. Удивительно,

Урок 9 О втором члене Символа веры 129. Имена Иисус Христос, Сын Божий следует понимать так. Сыном Божиим называется Второе Лицо Святой Троицы по Своему Божеству. Сын Божий назван Иисусом, когда Он родился

ЧАСОВ В ЧЕСТЬ БОЖЬЕГО МИЛОСЕРДИЯ М.: Ежи Коско УТРЕНЯ С.: Ежи Коско, о. Станислав Вежбица SAC П.: Игорь Баранов, Елена Пушкар C. Поспеши, Боже, избавить меня. В. Поспеши, Господи, на помощь мне. С. Милосердие

МИТРОПОЛИТА УЛАН- УДЭНСКОГО И БУРЯТСКОГО 2018 Опять рассеивается тьма, опять является свет (свт. Григорий Богослов) Возлюбленные о Господе пастыри, монашествующие и все боголюбивые чада Улан-Удэнской

В начале было Слово, и Слово было у Бога, и Слово было Бог. В Нем была жизнь, и жизнь была свет человеков. Иоанн 1:1,4 1 Опять говорил Иисус к народу и сказал им: Я свет миру; кто последует за Мною, тот

Акафист Пресвятой Богородице перед Ея иконой, именуемой «Избавительница» Кондак 1 Возбрани врагом нашим озлобляти нас и от Господа нашего отлучити конечне, а нас научи пети Тебе весело: Радуйся, Избавительнице,

КРЕЩЕНИЕ П. На сегодняшнем богослужении примет Крещение. И я прошу выйти с крещаемым к купели родителей, крёстных и родственных. П. Услышим слова Господа нашего Иисуса Христа об установлении и силе Святого

Допущено к и з д а н и ю Издательским советом Белорусского Экзархата Русской П р а в о с л а в н о й Церкви (решение 53 от 22.10.2010 г.) ISBN 978-985-511-575-6 Кубарев Ю. Е., Витецкая С. К., иллюстрации,

ПАСХАЛЬНОЕ ПОСЛАНИЕ ЕПИСКОПА БУЗУЛУКСКОГО И СОРОЧИНСКОГО АЛЕКСИЯ пастырям, диаконам, монашествующим и всем верным чадам Бузулукской епархии 2018 Сердечно приветствую вас, возлюбленные о Господе отцы,

Евангелие от Матфея 110 Помыслите о Претерпевшем Мф 20:17-19 Мф 16:21 С того времени Иисус начал открывать ученикам Своим, что Ему должно идти в Иерусалим и много пострадать от старейшин и первосвященников

Самый главный христианский праздник ПАСХА. Светлое Воскресение Христово Господь Иисус Христос силою Своего Божества ожил, то есть воскрес из мертвых, победил смерть и искупил наши грехи. Главные православные

Серия проповедей «Истинный христианин» Путь обретения мира 2Кор 5:18-21 2Кор 5:18-21 Все же от Бога, Иисусом Христом примирившего нас с Собою и давшего нам служение слово примирения. 20 Итак мы-- посланники

Могут ли христиане иметь сейчас вечную жизнь и не потерять ее? Вечная жизнь есть «дар Божий во Христе Иисусе, Господе нашем». Она обещана тем, кто поверит в нее. 25 Обетование же, которое Он обещал нам,

Первое соборное послание святого апостола Иоанна == === 1 === 1 О том, что было от начала, что мы слышали, что видели своими очами, что рассматривали и что осязали руки наши, о Слове жизни, -- 2 ибо

О РОЖДЕНИИ СВЫШЕ Господь Бог совершен в Святой Троице, от Него свыше нисходят все дары совершенные. «... Всякое даяние доброе и всякий дар совершенный нисходит свыше, от Отца светов, у которого нет менения

1 Одесса_Экзауди_2016 8 Мая Ефес.3:14-21. «да даст вам, по богатству славы Своей, крепко утвердиться Духом Его во внутреннем человеке, верою вселиться Христу в сердца ваши», (Ефес.3:16,17). Мы часто слышим

1 год 1 четверть БЛАГОСЛОВЕНИЕ ключевое слово четверти. 1. Библия источник благословения. 2. Автор и соавторы Библии. 3. Истинность Слова Божия. 4. Бог лишает благословения. 5. Божье милосердие и долготерпение.

Акафист Пресвятой Богородице в честь иконы Ея «Избавительница» Празднование 17 (4) апреля и 30 (17) октября Кондак 1 Возбрани врагом нашим озлобляти нас и от Господа нашего отлучати конечне и нас научи

Рождество Христово История празднования Значение Рождества Христова столь велико, что даже ход человеческой истории и летосчисление мы ведем от Рождества Христова. День, предшествующий рождественской ночи,

Е$же по пл0ти, ржcтво2 гdа бgа и3 сп7са нaшегw ї}са хrтa повечeріе вели1кое. літjz. полmелeйнаz ќтренz Редакциz и составление Г.Смирнова Храм Живоначальной Троицы в Останкино Подворье Патриарха Московского

Урок первый Бог дивный Отец Об уроке: Милости просим на первый урок брошюры «Ворота в жизнь». Сегодня вам предстоит открыть для себя основные библейские истины о Боге. Все ответы на насущные вопросы содержатся

Прославление КЕМ ЯВЛЯЕТСЯ БОГ И КАК МЫ ПРОСЛАВЛЯЕМ ЕГО Расскажите КОМУ МОГУТ ПОКЛОНЯТЬСЯ ЛЮДИ, КРОМЕ БОГА? ПОПРОБУЙТЕ ОТКРОВЕННО РАССКАЗАТЬ О ТОМ, КОМУ ВЫ ПОКЛОНЯЛИСЬ В СВОЕЙ ЖИЗНИ (НАПРИМЕР, МУЗЫКАЛЬНОЙ

Возраст 9-12 лет Год занятий первый Цикл 4 События Рождества Урок 26 Тема: Цель: Библейский источник: Библейская история: Золотой стих: Практическая цель: Помочь детям понять, что Иисус пришёл на землю,

Статья 2 Иисус Христос Мы верим в Иисуса Христа, Слово Божие, ставшее плотью. Он Спаситель мира, освободивший нас от власти греха и примиривший нас с Богом через Свое смирение и послушание вплоть до смерти

Красный крест «Благословен Бог наш». СЛУЖБА С ПОЛИЕЛЕЕМ (В седмичный день) (Октоих отменяется полностью) ВЕЛИКАЯ ВЕЧЕРНЯ «Аминь». Обычное начало (если не было 9 часа), 103 псалом. Великая ектения. Х: «Блажен

Архимандрит Александр (Милеант) «Основы православной веры» О покаянии Господь наш Иисус Христос, пришедший призвать не праведников, но грешников к покаянию (Мф. 9, 13), еще в Своей земной жизни установил

1 год 1 четверть МУДРОСТЬ ключевое слово четверти. Начала Библейской мудрости. 1. Библия самая мудрая Книга. 2. Мудрость от чтения Библии. Свет Божественной премудрости 3. Бог премудрый Творец. 4. Бог

Урок 12 Наши отношения с Богом Мы уже говорили о том, что нашей главной обязанностью перед Богом является любить Его. В Уроке 11 мы также говорили о том, что эта любовь может проявляться в исполнении Его

Канон об умершем младенце Песнь 1. Ирмос: «Пройдя через воду, как по суше, и избежав египетского зла, Израиль восклицал: воспоем Избавителю и Богу нашему». Припев: «Господи, упокой младенца». 1. Молим

ВОЛЯ ЧЕЛОВЕКА И БЛАГОДАТЬ В СПАСЕНИИ Церковь «Новогиреево» 8 февраля 2014 года В.В. Стариков Содержание Состояние человека До грехопадения После грехопадения и до возрождения После возрождения Божье спасение

НЕДЕЛЯ ПЯТАЯ ПО ПАСХЕ, О САМАРЯНЫНЕ Истиннии поклонницы поклонятся Отцу Духом и Истиною: ибо Отец таковых ищет покланяющихся Ему (Ин. 4:23). БЕСЕДА ИИСУСА ХРИСТА С САМАРЯНКОЮ В озвращаясь из Иудеи в Галилею,

Сильные в Боге - 2 Условия обретения силы Суд 6:12-14 И явился ему Ангел Господень и сказал ему: Господь с тобою, муж сильный! 13 Гедеон сказал ему: господин мой! если Господь с нами, то отчего постигло

Серия проповедей «Сообщество веры» Часть 2 Единая жизнь Еф 4:1-6 Итак я, узник в Господе, умоляю вас поступать достойно звания, в которое вы призваны, 2 со всяким смиренномудрием и кротостью и долготерпением,

Слава креста Флп 2:6-10 1Кор 1:17-18 Ибо Христос послал меня не крестить, а благовествовать, не в премудрости слова, чтобы не упразднить креста Христова. 18 Ибо слово о кресте для погибающих юродство есть,

Еф.1:1 Павел, волею Божиею Апостол Иисуса Христа, находящимся в Ефесе святым и верным во Христе Иисусе: 2 благодать вам и мир от Бога Отца нашего и Господа Иисуса Христа. 3 Благословен Бог и Отец Господа

1 год 1 четверть БОРЬБА ключевое слово четверти. Слово Божье оружие борьбы. 1. Слово Божье меч духовный. 2. Сила Слова Божьего. Бог Победитель в борьбе. 3. Божья борьба с грехом. 4. Бог покровитель в борьбе.

Литургика. Постная Триодь. Лекция 5.2. Чин изобразительных. САНКТ-ПЕТЕРБУРГСКАЯ ПРАВОСЛАВНАЯ ДУХОВНАЯ АКАДЕМИЯ ПРЕПОДАВАТЕЛЬ ПРОТОИЕРЕЙ ВИТАЛИЙ ГРИЩУК [email protected] WWW.AGIA-ALEXANDRA.RU 20.02.17

Сердечко всё изранено! стихи о Духе Святом СЕРДЕЧКО ВСЁ ИЗРАНЕННО! Христианские стихи о Служении Богу в Духе Святом, для всех Христиан, и Церквей Пятидесятницы, Ревнующих о "Рождении Свыше!" Сердечко -

Допущено к распространению Издательским Советом Русской Православной Церкви ИС 14-401-0079 М 31 Масленников, С.М. Примирение со Христом/Сергей Михайлович Масленников. М.: Сибирская Благозвонница, 2014.

СВЕТЛОЕ ХРИСТОВО ВОСКРЕСЕНИЕ. ПАСХА Полунощница Благословен Бог наш, ныне и присно и во веки веков. Слава Тебе Боже наш! Слава Тебе! Дух Истины, Небесный Утешитель, Ты всюду веешь и везде живёшь, Источник

ГАЗЕТА ЦЕРКОВНО-ПРИХОДСКОЙ ШКОЛЫ ЦЕРКВИ КАЗАНСКОЙ ИКОНЫ БОЖИЕЙ МАТЕРИ г.зеленогорск С РОЖДЕСТВОМ ХРИСТОВЫМ! Выпуск 1 *Январь* 2013г. 7 января Рождество Господа Бога и Спаса нашего Иисуса Христа ТРОПАРЬ

Урок 2, 14 января 2017 Он прославит Меня, потому что от Моего возьмет и возвестит вам. (Иоанна 16:14) В Священном Писании Святому Духу не уделяется столь же заметное внимание, как Богу Отцу и Богу Сыну.

БЛАГОДАТНЫЙ ДОМ ДУХОВНЫЕ СТИХИ РУССКОГО НАРОДА ВЫПУСК 2 На Рождество Христово ИЗ ДА ТЕЛЬ СКИЙ СО ВЕТ РУС СКОЙ ПРА ВО СЛАВ НОЙ ЦЕРК ВИ УДК 783 ББК 85.989 Б 68 По благословению Святейшего Патриарха Московского

Новенна перед Рождеством Первый день новенны (16 декабря) Господи Иисусе, начиная сегодня нашу подготовку к празднованию воспоминания Твоего Рождества, просим Тебя о Святом Духе; о том же самом Духе, который

МОЛИТВЫ В СТИХАХ Господи, Бог наш Единый! Кроме Тебя, нет богов! Славим Тебя, Творец Дивный, Господь всех миров! Господи, Отче наш, Боже! В душах наших живи! Любовь к Тебе нам дороже Всякой земной любви!

Сценарий выступления Воскресной школы в день Покрова Пресвятой Богородицы 14 октября 2012 года Тропарь: Днесь, благовернии людие, светло празднуем,/ осеняеми Твоим, Богомати, пришествием,/ и к Твоему взирающе

Избранные светить 1 Петра 2:9 Еф 2:19-20 Итак вы уже не чужие и не пришельцы, но сограждане святым и свои Богу, быв утверждены на основании Апостолов и пророков, имея Самого Иисуса Христа краеугольным

Хвала и благодарение 001 Слава! Слава! 002 Славьте Творца, восхваляйте 003 Как лань желает к потокам 004 Сей день 005 Великий Бог, Ты сотворил весь мир! 006 Готово сердце мое 007 Готово сердце мое 008

Серия проповедей «Сообщество веры» Часть 1 Единое основание Ин 3:16 Ибо так возлюбил Бог мир, что отдал Сына Своего Единородного, дабы всякий верующий в Него, не погиб, но имел жизнь вечную. 1Ин 5:1 Всякий

СЛУЖБА СО СЛАВОСЛОВИЕМ (В седмичный день) ВЕЧЕРНЯ «Благословен Бог наш». «Аминь». Обычное начало (если не было 9 часа), 103 псалом. Великая ектения. [Кафизма, малая ектения] опускается. Стихиры «Господи

Икос 1

Ангел множество собрася во Вифлееме, видети непостижное Рождество; и видевше своего Творца, во яслех яко младенца лежаша, удивишася! И страхом благоговеюще, Рождшагося и Рождшую боголепне почитаху, поюще таковая: Слава Тебе, Сыне Божий, прежде век от Отца рожденный. Слава Тебе, со Отцем и Духом вся сотворивый. Слава Тебе, спасти погибшия пришедый. Слава Тебе, даже до рабия зрака снизшедый. Слава Тебе, Взыскателю заблудших. Слава Тебе, Спасителю погибших. Слава Тебе, средостение вражды разрушившу. Слава Тебе, рай, преслушанием затворенный, паки отверзшу. Слава Тебе, род человеческий неизреченно возлюбившу. Слава Тебе, на земли вертеп Небо явившу. Слава Тебе, рождшую Тя Деву, Престол херувимский показавшу. Иисусе, Сыне Божий, воплотивыйся нас ради, слава Тебе.

Кондак 2

Видяще бесплотнии Ангели своего Владыку, от Чистыя Девы плоть приемша, ужасошася! И друг ко другу реша: преславное сие Таинство непостижимо нам является быти: обаче дивяшеся неизреченному того снисхождению, со страхом пояху: Аллилуиа.

Икос 2

Разумная вся тварь ужасаюшися и благодарящи поет Твоего Рождества Владыко таинство! Силы небесныя радуются поюще: слава в вышних Богу, и земля с человеки веселится, мы же непрестанно вопием: Слава Тебе, в вышних славимому Богу. Слава Тебе, мир на земли сотворившему. Слава Тебе, нас Тебе примирившему. Слава Тебе, на земли нам явившемуся. Слава Тебе, от Девы неизреченно воплотившемуся. Слава Тебе, звезду возсиявый. Слава Тебе, тою волхвы на поклонение Тебе признавши. Слава Тебе, дары от них милостивно приявшему. Слава Тебе, всю тварь Тебе служити научившему. Слава Тебе, и нас Тебе пети вразумившему. Слава Тебе, Себе нам соединившему. Слава Тебе, нас Собою спасшему. Иисусе, Сыне Божий, воплотивыйся нас ради, слава Тебе.

Кондак 3

Икос 3

Имуще, Тебе пречисто рождшую, о нас непрестанно молящуюся: радующеся поем Твоего вочеловечения Владыко Таинство! И Рождество от Девы Богоприятныя славословяще вопием: Слава Тебе, Сыне Божий, Слава Тебе, Сыне Девы, от Девы несказанно родивыйся. Слава Тебе, человеколюбия бездну на нас показавшему. Слава Тебе, нас неизреченно возлюбившему. Слава Тебе, заблудшее овча взыскавшему. Слава Тебе, о обретении тоя, срадоватися Ангелом рекшему. Слава Тебе, на рамо сию восприемшему. Слава Тебе, ко Отцу приведшему. Слава Тебе, человеки со Ангелы во едино стадо совокупившему. Слава Тебе, мир от прелести избавльшему. Слава Тебе, великую и неизреченную милость нам явившему. Слава Тебе, нас паче всех тварей возлюбившему. Иисусе, Сыне Божий, воплотивыйся нас ради, слава Тебе.

Кондак 4

Икос 4

Слышаша пастырие Ангела, возвещающа им рождшагося Спаса миру, во граде Давидове: и скоро текше, видят Сего яко агнца непорочна, во чреве Девыя упасшася во яслех лежаща, и Рождшую благоговейно служащу и Иосифа со страхом предстояща; сказаша о глаголанных к ним, и поклонившеся Рождшемуся, реша: Слава Тебе, Агнче Божий Спасе мира. Слава Тебе, Сыне Божий, неизреченое чудо нам показавый. Слава Тебе, ангельских пений слышатели нас быти явивый. Слава Тебе, с ними и нас славословити Тя научивый. Слава Тебе, Ангелы и человеки пети Тя вразумивый. Слава Тебе, на земли и на небеси радость сотворивый. Слава Тебе, яко о Тебе небесная земным срадуются. Слава Тебе, яко Тобою земная небесным совокупляются. Слава Тебе, крепость диаволю немощну показавшему. Слава Тебе, от того мучительства нас избавльшему. Слава Тебе, в Тя верующим неизреченная радосте. Слава Тебе, любящим Тя неизглаголанная сладосте. Иисусе, Сыне Божий, воплотивыйся нас ради, слава Тебе.

Кондак 5

Икос 5

Видяще царие перситстии, на руку Девичу, Царя царствующих, яко на престоле херувимстем седяща, и Владыку того разумевающе, аще рабий прият зрак, потщашася дары Ему принести: злато, яко Царю всех; ливан же яко Богу; смирну, яко Безсмертному, и поклонившеся пояху: Слава Тебе, Свет всем возсиявый. Слава Тебе, нас звездою на поклонение Тебе призвавый. Слава Тебе, злобу лютого Ирода обличившему. Слава Тебе, суетно того умышление показавшему. Слава Тебе, нас от того прелести избавльшему. Слава Тебе, Тебе, Солнцу правды, покланятися научившему. Слава Тебе, вся светом разума просветившему. Слава Тебе, Твоим Рождеством многобожия прелесть упразднившему. Слава Тебе, вражие владычество до конца низложившему. Слава Тебе, со Отцем и Духом Тебе поклонятися нас научившему. Слава Тебе, нас прельстившаго змия главу сокрушившему. Слава Тебе, от вечныя смерти нас избавльшему. Иисусе, Сыне Божий, воплотивыйся нас ради, слава Тебе.

Кондак 6

Икос 6

Воссиял еси от Девы, и неискусомужныя Твоея Матере, Иисусе, яко солнце просвещая и прогоняя лжи тьму: демони бо, Спасе, нетерпяще Твоея крепости, вси вострепеташа, и ад, видев чудо, убояся: мы же благодаряще вопием Ти: Слава Тебе, человек Спасителю. Слава Тебе, бесов Потребителю. Слава Тебе, прелести начальника Твоим Рождеством устрашившему. Слава Тебе, идольскую прелесть упразднившему. Слава Тебе, светом Богопознания вся осиявшему. Слава Тебе, тьму неведения прогнавшему. Слава Тебе, Каменю, воду спасения всем источивый. Слава Тебе, жажду Адамову и Давидову утоливый. Слава Тебе, яко солнцем, Твоим Рождеством вся просветившему. Слава Тебе, лучи благодати вселенней облиставшему. Слава Тебе, землю обетования нам показавшему. Слава Тебе, от всеродныя клятвы нас Избавльшему. Иисусе, Сыне Божий, воплотивыйся нас ради, слава Тебе.

Кондак 7

Икос 7

Новую показал еси тварь, явлься плотию всех Зиждитель, из безсеменныя прозяб утробы, и сохранив ю, яко же бе нетленну, и Ходатаицу спасения показал еси поющим: Слава Тебе, Сыне Божий, Тя рождшую Матерь милосердия показавый. Слава Тебе, Тую и по Рождестве Деву сохранивый. Слава Тебе, спасти Адама пришедшему. Слава Тебе, Евины слезы утолившему. Слава Тебе, вся спасти пришедый. Слава тебе, Воскресения образ облиставый. Слава Тебе, грехов наших рукописание раздравый. Слава тебе, Собою смирения образ нам показавый. Слава Тебе, нас ради обнищавшему. Слава Тебе, Твоею нищетою нас обогатившему. Слава Тебе, одеждою спасения нас одеявшему. Слава Тебе, Твоею любовию нас усладившему. Иисусе, Сыне Божий, воплотивыйся нас ради, слава Тебе.

Кондак 8

Икос 8

Весь еси желание, весь сладость любящим Тя, Христе Боже, и Твое Божественное снисхождение славящим: от Девы бо Чистыя рождшся на земли, нас на Небеса возводиши, поющих: Слава Тебе, Сыне Божий, на земли родивыйся. Слава Тебе, от Девы неизреченно воплотивыйся. Слава Тебе, Себе нам показавшу. Слава Тебе, нас от Тебе далече сущих призвавшу. Слава Тебе, нам неизреченная радосте. Слава Тебе, сердец наших сладосте. Слава Тебе, в Рождестве Твоем свет спасения возсиявый. Слава Тебе, слезы в наше спасение пролиявый. Слава Тебе, теми пламень страстей наших угасивый. Слава Тебе, нас от скверны греховныя омывый. Слава Тебе, преступление разрушившему. Слава Тебе, от тления нас избавльшему. Иисусе, Сыне Божий, воплотивыйся нас ради, слава Тебе.

Кондак 9

Икос 9

Вития многовещанныя, яко рыбы безгласныя, видим о Твоем воплощении Владыко, недоумеют бо глаголати, како Бог сый совершен, человек совершенный явися, и от Девы неискусобрачныя како родися; мы же Тайны неиспытующе, верою единою славим, вопиюще: Слава Тебе, Ипостасная Божия Премудросте. Слава Тебе, неизглаголанная всем Радосте. Слава Тебе, любомудры немудрыя явивый. Слава Тебе, о Тебе испытующих посрамивый. Слава Тебе, вся баснотворная плетения растерзавый. Слава Тебе, свет Боговедения всем возсиявый. Слава Тебе, мудрость во Твоих делех пролиявый. Слава Тебе, многим разумы просветившему. Слава Тебе, путь спасения нам показавшему. Слава Тебе, неизчетная бездна милосердия. Слава Тебе, пучино щедрот и человеколюбия. Иисусе, Сыне Божий, воплотивыйся нас ради, слава Тебе.

Кондак 10

Икос 10

Стена и столп злобы богопротивныя и род пребеззаконный показася, жизнь всем подающаго убити богоборец тщашеся, и незлобивыя младенцы, яко класы незрелы мечи пожинахуся: тем же и мы злобу всякую от сердец наших отринувше, нас спасти пришедшаго прославим вопиюще: Слава Тебе, иродово умышление тщетно показавый. Слава Тебе, от того избиеныя младенцы со ангелы сопричтавый. Слава Тебе, злобы потребителю. Слава Тебе, смирения Наставниче и смертных Любителю. Слава Тебе, рог гордости сломившу. Слава Тебе, свет правды всем воссиявшу. Слава Тебе, кротости и смирению всех собою научившу. Слава Тебе, вся в Твое познание приведшу. Слава Тебе, Тя родшия утробу, Твоим Рождеством освятивый. Слава Тебе, от пастырей чудо и от волхвов дары приявый. Слава Тебе, и безсловесныя Тебе служити научивый. Слава Тебе, всю тварь освятивый. Иисусе, Сыне Божий, воплотивыйся нас ради, слава Тебе.

Кондак 11

Икос 11

Свет Тя незаходимый, сущии во тьме и сени смертней селящии, Спасе наш, узревши от Девы воссиявша: просветишася огнем Твоего Божества; и Тебе Премудрости и смысла Подателю пояху, сицевая вопиюще: Слава Тебе, Сыне Божий, Свете неизреченный. Слава Тебе, Солнце правды, Твоим Рождеством вся просветивый. Слава Тебе, многосветлое просвещение возсиявшему. Слава Тебе, многотекущую благодати реку нам источившему. Слава Тебе, жаждущих водою спасения богатно напоившему. Слава Тебе, любящим Тя иго благо и бремя Твое легко показавшему. Слава Тебе, от бремене греховнаго нас облегчившему. Слава Тебе, нас от работы вражия избавльшему. Слава Тебе, Твоим на земли явлением вся возвеселивый. Слава Тебе, нас утешатися пакибытием сотворивый. Слава Тебе, нам желаний наших край Себе явивый. Слава Тебе, нас врагов сущих ко Отцу примиривый. Иисусе, Сыне Божий, воплотивыйся нас ради, слава Тебе.

Кондак 12

Икос 12

Поюще Твое вочеловечение, хвалим, благословим и покланяемся Тебе, Спасе наш; и веруем, яко Господь и Бог еси, спасаяй всех на Тя уповающих и Твое еже от Девы неизреченное Рождество славословящих и поющих таковая: Слава Тебе, Сыне Божий, в вышних со Отцем и Духом покланяемый. Слава Тебе, от всех колен небесных и земных славимый. Слава Тебе, сокровенное от века таинство открывый. Слава Тебе, Твою к нам неизреченную любовь явивый. Слава Тебе, всея твари Украсителю. Слава Тебе, нам всемилостивый Спасителю. Слава Тебе, благочестно царствующих на земли скипетры утверждаяй. Слава Тебе, святители благоговейныя и иереи премудростию и благолепием украшаяй. Слава Тебе, Церкве основание и утверждение. Слава Тебе, всем верным спасение и украшение. Слава Тебе, телес наших Врачу и Исцеление. Слава Тебе, душ наших Украсителю и Спасителю. Иисусе, Сыне Божий, воплотивыйся нас ради, слава Тебе.

Кондак 13

О, Пресладкий и Всещедрый Иисусе, Спасителю наш, Творче и Владыко! Приими ныне малое сие молебное благодарение и славословие наше, якоже приял еси от волхвов поклонение и дары; и сохрани нас, Твоих рабов, от всякия напасти: и грехов прощение даруй; и вечныя муки избави верно славящих Твое, от чистыя Девы, Рождество и вопиющих Ти: Аллилуиа.

(Этот кондак читается трижды, затем икос 1 и кондак 1)

Молитва

Пребезначальное Начало, Боже Святый и Вечный, и всея твари Содетелю! Киими словесы возблагодарим и киими песньми возвеличим Твое нас ради человек неизреченное снизхождение, волею Божества Своего не отступльше, и недр Отчих не разлучаяся, Бог сый, яко человек, в вертепе безсловеснем ныне положился еси, Христе Боже наш! Кто исповесть неизглаголаннаго сего таинства величие и преславнаго сбытия таинство: Сын Божий - Сын Девы является, да свободит мир от клятвы законныя, и сыны греха и беззакония - чадами Божиими, наследниками вечных благ соделает, - Себе же, яко жертву непорочную и всесвятую, в залог спасения падшаго человека да принесет. Иисусе Сладчайший, Владыко Всемилостивый! Твоим Пребожественным снизхождением юдоль земная в храм Божественныя Славы Твоея освятися, и вси живущии на ней небесным веселием исполнишася. Сподоби убо и нас в день преславнаго Рождества Твоего чистым сердцем и отверстою душею исповедати Тя истиннаго Агнца Божия, услаждающаго и укрепляющаго нас надеждою грядущих благ в немеркнующем Свете Трисиятельнаго Божества, Имже вся живет и движется, Имже обновление нашего первообразнаго бытия да усовершится. Ей, Господи, всякаго благодеяния богатый Дателю, и Подателю Благий, за еже тако возлюбил еси мир, яко вся скорби и болезни наша на Себе понести изволил еси, не остави нас, дондеже суета земная скорбьми и напастьми не изсушила души наша, и не погибе путь спасения под ногама нашима, да не посмеются о нас врази наши, но даруй нам в свете Твоего Божественнаго Откровения познати путь мира, добра и истины, и воззови ненасытною жаждою по Тебе, Спасителе нашем, во еже творити волю Твою преблагую во страсе Твоем, и в похвалу неизреченному снизхождению Твоему, яко кадило благовонное, приносити Тебе житие нескверное и любовь нелицемерную, да в делех наших и во уповании веры нашея непрестанно совершается воля Твоя святая, и во веки не умолкнет под небесем слава Твоя, слава, - яко Единороднаго от Отца, исполнь благодати и истины. Яко о Тебе, ныне плотию от Безневестныя и Пречистыя Девы Марии Рождшемся, вся колена небесная и земная, радости исполняющеся, велегласно исповедуют: с нами Бог, Емуже честь и поклонение подобает - Отцу и Сыну и Святому Духу, во веки веков. Аминь.

Кондак 1

И збравый от всех родов Пречистейшую Ангел Деву, и от Нея родивыйся плотию, Христе Боже наш, благодарственная приносим ти раби Твои, Владыко. Ты же, яко имеяй милосердие неизреченное, от всяких нас бед свободи, зовущих:

Икос 1

А нгел множество собрася в Вифлееме видети непостижное Рождество и видевше своего Творца во яслех, яко младенца лежаща, удивишася! И страхом благоговеюще, Рождшагося и Рождшую боголепне почитаху, поюще таковая: Слава Тебе, Сыне Божий, прежде век от Отца рожденный.

Слава Тебе, со Отцем и Духом вся сотворивый; слава Тебе, спасти погибшия пришедый.

Слава Тебе, даже до рабия зрака снизшедый; слава, Тебе, Взыскателю заблудших.

Слава Тебе, Спасителю погибших; слава Тебе, средостение вражды разрушившу.

Слава Тебе, рай, преслушанием затворенный, паки отверзшу; слава Тебе, род человеческий неизреченно возлюбившу.

Слава Тебе, на земли вертеп Небо явившу; слава Тебе, рождшую Тя Деву, престол херувимский показавшу.

Иисусе, Сыне Божий, воплотивыйся нас ради, слава Тебе.

Кондак 2

В идяще бесплотнии Ангели своего Владыку от Чистыя Девы плоть приемша, ужасошася! И друг ко другу реша: преславное сие Таинство непостижимо нам является быти; обаче, дивяшеся неизреченному Того снисхождению, со страхом пояху: Аллилуиа.

Икос 2

Р азумная вся тварь ужасающися и благодарящи поет Твоего Рождества, Владыко, таинство! Силы небесныя радуются, поюще: слава в вышних Богу, и земля с человеки веселится, мы же непрестанно вопием:

Слава Тебе, в вышних славимому Богу; слава Тебе, мир на земли сотворившему.

Слава Тебе, нас Тебе примирившему; слава Тебе, на земли нам явившемуся.

Слава Тебе, от Девы неизреченно воплотившемуся; слава Тебе, звезду возсиявый.

Слава Тебе, тою волхвы на покланение Тебе призвавый; слава Тебе, дары от них милостивно приявшему.

Слава Тебе, всю тварь Тебе служити научившему; слава Тебе, и нас Тебе пети вразумившему.

Слава Тебе, Себе нам соединившему; слава Тебе, нас Собою спасшему.

Иисусе, Сыне Божий, воплотивыйся нас ради, слава Тебе.

Кондак 3

С ильный в крепости, Бог мира и Отец щедрот прииде на землю спасти мир погибающий, ныне в Вифлееме, яко младенец, раждается от Девы. Юже Матерь и Ходатаицу спасения показа всем, Того воплощение славящим и поющим: Аллилуиа.

Икос 3

И муще Тебе пречисто Рождшую, о нас непрестанно молящуюся, радующеся поем Твоего вочеловечения, Владыко, таинство! И Рождество от Девы богоприятныя славословяще вопием:

Слава Тебе, Сыне Божий, нас ради воплотивыйся; слава Тебе, Сыне Девы, от Девы несказанно родивыйся.

Слава Тебе, человеколюбия бездну на нас показавшему; слава Тебе, нас неизреченно возлюбившему.

Слава Тебе, заблудшее овча взыскавшему; слава Тебе, о обретении тоя срадоватися Ангелом рекшему.

Слава Тебе, на рамо сию восприемшему; слава Тебе, ко Отцу приведшему.

Слава Тебе, человеки со Ангелы во едино стадо совокупившему; слава Тебе, мир от прелести избавльшему.

Слава Тебе, великую и неизреченную милость нам явившему; слава Тебе, нас паче всех тварей возлюбившему.

Иисусе, Сыне Божий, воплотивыйся нас ради, слава Тебе.

Кондак 4

Б урю внутрь помышлений сумнительных прежде имевый, целомудренный Иосиф ныне внутрь Божественнаго вертепа видит преславныя. Аще бо и яко человека видяше от Девы раждаемаго, но разумеваше от вещей Бога быти истиннаго, тем и боголепне поклонився, радостно пояше: Аллилуиа.

Икос 4

С лышаша пастырие Ангела, возвещающа им рождшагося Спаса миру во граде Давидове, и скоро текше, видят Сего, яко агнца непорочна во чреве Девыя упасшася, во яслех лежаща, и Рождшую благоговейно служащу, и Иосифа со страхом предстояща, сказаша о глаголанных к ним и поклонившеся Рождшемуся, реша:

Слава Тебе, Агнче Божий, Спасе мира; слава Тебе, Сыне Божий, неизреченое чудо нам показавый.

Слава Тебе, ангельских пений слышатели нас быти явивый; слава Тебе, с ними и нас славословити Тя научивый.

Слава Тебе, ангелы и человеки пети Тя вразумивый; слава Тебе, на земли и на Небеси радость сотворивый.

Слава Тебе, яко о Тебе небесная земным срадуются; слава Тебе, яко Тобою земная небесным совокупляются.

Слава Тебе, крепость диаволю немощну показавшему; слава Тебе, от того мучительства нас избавльшему.

Слава Тебе, в Тя верующим неизреченная Радосте; слава Тебе, любящим Тя неизглаголанная сладосте.

Иисусе, Сыне Божий, воплотивыйся нас ради, слава Тебе.

Кондак 5

Б оготечную звезду, Христово рождество предъявляющую, узревше звездоблюстители волсви и тоя вождением, Непостижимаго достигоша и Невидимаго видеша, возрадовашася, Тому вопиюще: Аллилуиа.

Икос 5

В идяще царие перситстии на руку Девичу Царя царствующих, яко на престоле херувимстем седяща, и Владыку Того разумеваюше, аще рабий прият зрак, потщашася дары Ему принести: злато, яко Царю всех; ливан же, яко Богу; смирну, яко Безсмертному, и поклонившеся пояху:

Слава Тебе, Свет всем возсиявый; слава Тебе, нас звездою на покланение Тебе призвавый.

Слава Тебе, злобу лютаго Ирода обличившему; слава Тебе, суетно того умышление показавшему.

Слава Тебе, нас от того прелести избавльшему; слава Тебе, Тебе, Солнцу правды, покланятися научившему.

Слава Тебе, вся светом разума просветившему; слава Тебе, Твоим Рождеством многобожия прелесть упразднившему.

Слава Тебе, вражие владычество до конца низложившему; слава Тебе, со Отцем и Духом Тебе поклонятися нас научившему.

Слава Тебе, нас прельстившаго змия главу сокрушившему; слава Тебе, от вечныя смерти нас избавльшему.

Иисусе, Сыне Божий, воплотивыйся нас ради, слава Тебе.

Кондак 6

П роповедник богоносных вещания, яже от Тебе, исполняя, на земли явил еси Себе, Спасе, во убозем ныне вертепе рождся от Чистыя Девы и, богат Сый, нас ради обнищал еси волею, да человеки обогатиши, верою Тебе поющия: Аллилуиа.

Икос 6

В оссиял еси от Девы и неискусомужныя Твоея Матере, Иисусе, яко солнце просвещая и прогоняя лжи тьму: демони бо, Спасе, нетерпяще Твоея крепости, вси вострепеташа, и ад, видев чудо, убояся; мы же, благодаряще, вопием Ти:

Слава Тебе, человек Спасителю; слава Тебе, бесов Потребителю.

Слава Тебе, прелести начальника Твоим Рождеством устрашившему; слава Тебе, идольскую прелесть упразднившему.

Слава Тебе, светом Богопознания вся осиявшему; слава Тебе, тьму неведения прогнавшему.

Слава Тебе, Каменю, воду спасения всем источивый; слава Тебе, жажду Адамову и Давидову утоливый.

Слава Тебе, яко солнцем, Твоим Рождеством вся просветившему; слава Тебе, лучи благодати вселенней облиставшему.

Слава Тебе, землю обетования нам показавшему; слава Тебе, от всеродныя клятвы нас избавльшему.

Иисусе, Сыне Божий, воплотивыйся нас ради, слава Тебе.

Кондак 7

Х отя от века сокровенную тайну нам явити, от всея твари служители таинству показал еси, Спасе: от ангел Гавриила, от человек Деву, от небес звезду, от земли вертеп, в немже родитися благоволил еси; темже, дивящеся Твоей неизреченней премудрости, зовем: Аллилуиа.

Икос 7

Н овую показал еси тварь, явлься плотию всех Зиждитель, из безсеменныя прозяб утробы и, сохранив Ю, якоже бе нетленну, Ходатаицу спасения показал еси поющим:

Слава Тебе, Сыне Божий, Тя Рождшую, Матерь милосердия показавый; слава Тебе, Тую и по рождестве Деву сохранивый.

Слава Тебе, спасти Адама пришедшему; слава Тебе, Евины слезы утолившему.

Слава Тебе, вся спасти пришедый; слава Тебе, воскресения образ облиставый.

Слава Тебе, грехов наших рукописание раздравый; слава Тебе, Собою смирения образ нам показавый.

Слава Тебе, нас ради обнищавшему; слава Тебе, Твоею нищетою нас обогатившему.

Слава Тебе, одеждою спасения нас одеявшему; слава Тебе, Твоею любовию нас усладившему.

Иисусе, Сыне Божий, воплотивыйся нас ради, слава Тебе.

Кондак 8

С транное и преславное Рождество Твое видевше, в вертепе совершаемое, паче устранимся сует мира, ум на Божественная преложше. Сего бо ради Бог на земли явися смиренный человек, да на небеса возведет Тому вопиющия: Аллилуиа.

Икос 8

В есь еси желание, весь сладость любящим Тя, Христе Боже, и Твое Божественное снисхождение славящим, от Девы бо Чистыя рождшся на земли, нас на небеса возводиши, поющих:

Слава Тебе, Сыне Божий, на земли родивыйся; слава Тебе, от Девы неизреченно воплотивыйся.

Слава Тебе, Себе нам показавшу; слава Тебе, нас, от Тебе далече сущих, призвавшу.

Слава Тебе, нам неизреченная Радосте; слава Тебе, сердец наших сладосте.

Слава Тебе, в Рождестве Твоем свет спасения возсиявый; става Тебе, слезы в наше спасение пролиявый.

Слава Тебе, теми пламень страстей наших угасивый; слава Тебе, нас от скверны греховныя омывый.

Слава Тебе, преступление разрушившему; слава Тебе, от тления нас избавльшему.

Иисусе, Сыне Божий, воплотивыйся нас ради, слава Тебе.

Кондак 9

В сякое разумение и всяк ум ангельский и человеческий не постигает Твоего непостижнаго Рождества, Владыко, таинства разумети; обаче, Владыко Благий, нашу любовь и веру приими и спаси нас, Тебе поющих: Аллилуиа.

Икос 9

В ития многовещанныя, яко рыбы безгласныя, видим о Твоем воплощении, Владыко, недоумеют бо глаголати, како Бог Сый совершен, человек совершенный явися и от Девы неискусобрачныя како родися; мы же тайны неиспытующе, верою единою славим, вопиюще:

Слава Тебе, ипостасная Божия Премудросте; слава Тебе, неизглаголанная всем Радосте.

Слава Тебе, любомудры немудрыя явивый; слава Тебе, о Тебе испытующих посрамивый.

Слава Тебе, вся баснотворная плетения растерзавый; слава Тебе, свет Боговедения всем возсиявый.

Слава Тебе, мудрость во делех Твоих пролиявый; слава Тебе, многим разумы просветившему.

Слава Тебе, путь спасения нам показавшему; слава Тебе, неизчетная бездна милосердия.

Слава Тебе, пучино щедрот и человеколюбия.

Иисусе, Сыне Божий, воплотивыйся нас ради, слава Тебе.

Кондак 10

С пасти восхотев мир погибающий, иже всех Украситель, от Девы, яко младенец раждается и во яслех пеленами повивается, разрешаяй многоплетенныя пленицы прегрешений, и Сын Сый Божий, Девыя Сын бывает и вся мудре устрояет, да спасет Тому поющия: Аллилуиа.

Икос 10

С тена и столп злобы богопротивныя и род пребеззаконный показася богоборец, жизнь всем Подающаго убити тщашеся, и незлобивыя младенцы, яко класы незрелы мечи пожинахуся; мы же, злобу всякую от сердец наших отринувше, нас спасти Пришедшаго, прославим вопиюще:

Слава Тебе, иродово умышление тщетно показавый; слава Тебе, от того избиеныя младенцы со ангелы сопричтавый.

Слава Тебе, злобы потребителю; слава Тебе, смирения Наставниче и смертных Любителю.

Слава Тебе, рог гордости сломившу; слава Тебе, свет правды всем воссиявшу.

Слава Тебе, кротости и смирению всех собою научившу; слава Тебе, вся в Твое познание приведшу.

Слава Тебе, Тя Родшия утробу, Твоим Рождеством освятивый; слава Тебе, от пастырей чудо и от волхвов дары приявый.

Слава Тебе, и безсловесныя Тебе служити научивый; слава Тебе, всю тварь освятивый.

Иисусе, Сыне Божий, воплотивыйся нас ради, слава Тебе.

Кондак 11

П ение всякое побеждается Твоему, еже нас ради, воплощению достойно принести хотящих, и удобне есть молчание. Аще и равночисленныя песка морскаго песни приносим Ти, Царю Пресвятый, но ничтоже совершаем достойно; темже со страхом поем: Аллилуиа.

Икос 11

С вет Тя незаходимый сущии во тьме и сени смертней седящии, Спасе наш, узревши, от Девы воссиявша, просветишася огнем Твоего Божества, и Тебе, премудрости и смысла Подателю, пояху, сицевая вопиюще:

Слава Тебе, Сыне Божий, Свете неизреченный; слава Тебе, Солнце правды, Твоим Рождеством вся просветивый.

Слава Тебе, многосветлое просвещение возсиявшему; слава Тебе, многотекущую благодати реку нам источившему.

Слава Тебе, жаждущих водою спасения богатно напоившему; слава Тебе, любящим Тя иго благо и бремя Твое легко показавшему.

Слава Тебе, от бремене греховнаго нас облегчившему; слава Тебе, нас от работы вражия избавльшему.

Слава Тебе, Твоим на земли явлением вся возвеселивый; слава Тебе, нас утешатися пакибытием сотворивый.

Слава Тебе, нам желаний наших край Себе явивый; слава Тебе, нас, врагов сущих, ко Отцу примиривый.

Иисусе, Сыне Божий, воплотивыйся нас ради, слава Тебе.

Кондак 12

Б лагодать всем подати и долги человеков разрешити пришедый, Спасе наш, Твоим воплощением, тем и наша долги разреши и грехов рукописание раздери, Твое несказанное Рождество славящим и непрестанно поющим: Аллилуиа.

Икос 12

П оюще Твое вочеловечение, хвалим, благословим и покланяемся Тебе, Спасе наш, и веруем, яко Господь и Бог еси, спасаяй всех, на Тя уповающих и Твое, еже от Девы, неизреченное Рождество славословящих и поющих таковая:

Слава Тебе, Сыне Божий, в вышних со Отцем и Духом покланяемый; слава Тебе, от всех колен небесных и земных славимый.

Слава Тебе, сокровенное от века таинство открывый; слава Тебе, Твою к нам неизреченную любовь явивый.

Слава Тебе, всея твари Украсителю; слава Тебе, нам всемилостивый Спасителю.

Слава Тебе, благочестно царствующих на земли скипетры утверждаяй; слава Тебе, святители благоговейныя и иереи премудростию и благолепием украшаяй.

Слава Тебе, Церкве основание и утверждение; слава Тебе, всем верным спасение и украшение.

Слава Тебе, телес наших Врачу и исцеление; слава Тебе, душ наших Украсителю и Спасителю.

Иисусе, Сыне Божий, воплотивыйся нас ради, слава Тебе.

Кондак 13

О , пресладкий и всещедрый Иисусе, Спасителю наш, Творче и Владыко! Приими ныне малое сие молебное благодарение и славословие наше, якоже приял еси от волхвов поклонение и дары, и сохрани нас, Твоих рабов, от всякия напасти, и грехов прощение даруй, и вечныя муки избави, верно славящих Твое от Чистыя Девы Рождество и вопиющих Ти: Аллилуиа.

Этот кондак читается трижды, затем 1-й икос: «Ангел множество...» и 1-й кондак: «Избравый от всех родов...».

Тропарь

Р ождество Твое, Христе Боже наш, возсия мирови свет разума, в нем бо звездам служащии звездою учахуся Тебе кланятися, Солнцу правды, и Тебе ведети с высоты Востока. Господи, слава Тебе.

Кондак

Д ева днесь Пресущественнаго раждает, и земля вертеп Неприступному приносит. Ангели с пастырьми славословят, волсви же со звездою путешествуют: нас бо ради родися Отроча Младо, Превечный Бог.